- Advertisement -
Gipahugtan sa lungsod sa Impasug-ong ang pagbawal sa pag-inom og ilimnong makahubog sa mga pampublikong lugar isip kabahin sa pagpalig-on sa kampanya batok sa kagubot ug pagmintinar sa kalinaw sa komunidad.
Sumala sa Impasugong Municipal Police Station (MPS), sa pagpangulo ni PMAJ Dominador V. Orate Jr., Officer-in-Charge, hugot nga ginadumili ang pag-inom sa dalan, plaza, parke ug uban pang pampublikong lugar bisan sa bisan unsang orasa, ug ang mga masakpan pagaisyuhaan og citation ticket subay sa ordinansa sa lungsod.
Gipasabot sa kapulisan nga ang maong lakang nagtumong sa pagpanalipod sa seguridad sa kadalanan, pagpugong sa mga menor de edad sa pag-inom sa publiko, ug pagpalig-on sa kalinaw ug kahapsay sa tibuok lungsod.
- Advertisement -