Gipahayag sa legal counsel sa mga biktima sa International Criminal Court (ICC) nga ang kampanya batok sa ilegal nga droga ni kanhi Presidente Rodrigo Duterte dili lehitimong law enforcement operation, kundili usa ka “sistematikong pag-atake” batok sa mga kabos nga Pilipino.
Atol sa confirmation of charges hearing, giingon sa kampo sa mga biktima nga kadaghanan sa mga napatay sa “war on drugs” gikan sa mga pobre nga komunidad ug gipangtarget base sa ilang kahimtang sa kinabuhi, nga wala hatagi og kahigayonan nga makadepensa sa korte.
Gidugang pa nga ang kampanya nagmugna og “kultura sa pagkawalay silot” diin ang mga otoridad wala mahadlok sa pagpatay tungod sa giingong pagdasig ug panalipod gikan sa pinakataas nga opisyal sa nasud.
Kabahin kini sa tinguha sa ICC nga pormal nga pasakaan og kasong crimes against humanity si Duterte ug ang iyang mga kaalyado lakip sila Senador Ronald “Bato” Dela Rosa ug Senador Christopher “Bong” Go.