Giduso sa Kamara pinaagi ni House Appropriation Committee Chairman Rep. Mikaela Suansing ang pag-livestream sa Bicam deliberations para sa proposed 2026 National Budget aronipasaiugda ang transparency.
Gisulti niini nga ang mga deliberasyon dili angay himuong sekreto gumikan direktang makaapekto kini sa tanang Pilipino.
Matud pa ni Suansing, pinaagi sa livestreaming mas masabtan sa publiko kon giunsa pag-apod-apod ang pondo ug kinsa ang nagdepensa sa matag ahensya.
Gipunting ni Suansing nga panahon na aron i-modernize ang budget proceedings aron mas accessible sa tanan.
Nanghinaut kini nga motuman alang sa lig-on nga pagsalig sa publiko sa proseso sa budget diin gikaingon nga kini ang unang higayon nga ipakita sa katawhan sa tibuok nasud ang budget deliberations.
Giklaro sa maong mambabalaod nga hingpit ang commitment sa Kamara nga ipatuman ang livestream taliwala nga bisan pa adunay pipila ka kongresista ang supak sa maong lakang.
Dugang pa, pagasugdan na ugmang adlawa ang Bicameral conference tali sa senado ug kongreso alang sa pagdungog sa 2026 National Budget.