Gi-aprubahan sa House of Representatives of the Philippines ang upat ka priority bills sa Legislative-Executive Development Advisory Council sa administrasyon ni Presidente Ferdinand Marcos Jr. sa ikatlo ug katapusang pagbasa kagahapong adlawa, Lunes, Marso 16, 2026.
Lakip niini ang priority bill magwagtang sa travel tax nga nakapasar sa boto nga 257-1-1, nga nagtinguha sa pagtangtang sa dugang bayranan sa mga Pilipinong mobiyahe paingon sa gawas sa nasud aron mapagaan ang gasto sa pagbiyahe.
Gi-aprubahan usab ang House Bill No. 8476 nga nagpalapad sa coverage sa Tertiary Education Subsidy aron mas daghang estudyante gikan sa kabus nga pamilya ang makadawat og pinansyal nga tabang sa kolehiyo.
Nakalusot usab ang Digital Payments Act pinaagi sa boto nga 257-3-0, nga nagtumong sa pagpalapad sa paggamit sa digital payment systems sa mga transaksyon sa gobyerno ug sa mga negosyo aron mapaspasan ang serbisyo ug mapalambo ang transparency.
Samtang giaprubahan usab ang House Bill No. 8477 sa boto nga 259-0-1 aron ma-institutionalize ang Presidential Merit Scholarship Program nga maghatag og scholarship sa mga estudyanteng adunay taas nga academic performance.