Mibutyag ang kanhi unified welterweight world champion Keith Thurman nga ang umaabot nga away tali nila Manny Pacquiao ug Mario Barrios mag-agad sa kahimsog ug kondisyon sa 46 anyos nga Filipino boxing legend.
Mobalik pag usab si Pacquiao sa ring human sa upat ka tuig nga pagretiro, ug makigsangka ni Barrios alang sa WBC welterweight title karong Hulyo 19 sa MGM Grand Garden Arena sa Las Vegas.
Matud ni Thurman, lisod gyud masayran kung unsay ipakita ni Pacquiao tungod sa iyang edad.
Depende kini sa iyang kondisyon ug pagpokus sa pagbansay sa iyang footwork nga iyang magamit sa away.
Kahinumduman, nga gipildi ni Pacquiao si Thurman niadtong 2019 via split decision, ug giugbok kini sa una nga round.
Si Thurman napilde ni Pacquiao sa edad nga 40 anyos, diin nahimo kini nga pinakaedaran nga boksingero nga nakakab-ot sa welterweight champion.
Ang katapusan nga pakig-away ni Pacquiao diin nga napakyas niadtong 2021 batok ni Yordenis Ugas.
Si Thurman usab nakigbangi kang Barrios niadtong 2022 ug nakadaug via unanimous decision.
Sa kasamtangan, si Pacquiao adunay record nga 62-8-2 (39KOs) samtang si Barrios adunay 29-2-1 (18KOs).