Kakulangon sa sinseridad matud pa ang hinungdan nga mikanaog sa katungdanan ang pipila ka opisyales sa Independent Commission for Infrastructure kon (ICI).
Matud sa usa ka legal expert nga si atty. Proculo Sarmen, nakita niini nga hinay-hinay ng migula ang kamatuoran nga maoy nagtukmod sa mga miyembro nga buhian ang katungod gumikan sa konsensya.
Nagtuo usab ang maong eksperto nga lehitimo ang mga dokumentong gihuptan ni Batangas 1st District Representative Leandro Leviste nga gitugyan kini kaniya sa mitaliwan nang kanhi DPWH Undersecretary Catalina Cabral.
Nanghinaot usab si atty. Sarmen nga hatagan kini og pagtagad sa mga lideres sa nasud.
Subay niini, gihagit sa maong eksperto ang mga lider sa nasud nga magpabiling matinud-anon sa serbisyo ug magbaton og lig-on baruganan isip gisaligan sa publiko ug gihatagan og mandato sa katawhan aron dumalaan ang mga kalihukan sa nasud alang sa kaayuhan sa tanan.