Mikabat sa kapin 384 ka kaso ang nadawat nga mga aplikasyon sa probation sa Parole and Probation Office–Malaybalay karong tuiga, hinungdan nga misamot ang gidaghanon sa ilang ginabantayan nga kliyente ug nagkinahanglan og dugang boluntaryong motabang sa supervision.
Sa Pakighinabi sa Bombo Radyo Malaybalay kay Irwinn C. Ballentos, Chief Probation and Parole Officer, nga niabot sa 384 ka aplikasyon sa probation karong tuiga, nga misaka sa 614 ka aktibong probationers ug 103 ka parolees ang ilang ginabantayan
Gipasabot ni Ballentos nga dakong hagit kini tungod kay tulo ra ka opisyales ang nagdumala sa Malaybalay, Sumilao, Impasug-ong, Lantapan, ug Cabanglasan.
Aron matubag ang kakulangan, 28 ka Volunteer Probation Assistants (VPA) ang gi-train sa Disyembre aron motabang sa supervision ug investigation.
Gidugang niya nga kulang gihapon ang boluntaryo kumpara sa ideal nga ratio nga usa ka VPA sa lima ka kliyente, ug padayon ang pagpangita og dugang volunteers sa sunod tuig samtang nag-andam sa year-end reports.