Nagpagawas og pamahayag ang Office of the Ombudsman kalabot sa statement sa kontratistang si Sarah Discaya nga miangkong nakabati kinig kahadlok sa posiblidad nga makulong sa kasong giatubang.
Matud pa ni Assistant Ombudsman Mico Clavano, nga linaw nga ang kahadlok ni Discaya resulta sa mga binuhatan niini ilabi na ang pagbalhin sa pondo para sa mga proyektong pang flood control.
Dugang pa niini milyon milyong Pilipino ang nabutang sa peligro tungod sa korapsyon busa dili mahimo nga gamiton nga rason ang kahadlok aron likayan ang responsibilidad.
Si Discaya usa sa mga kontraktor nga gi-imbestigahan may kalabotan sa multi-bilyon nga proyekto sa flood control nga giingong gigamit sa sayop nga paagi.
Ang Ombudsman adunay mandato nga mopasaka og kaso batok sa mga opisyal ug pribadong indibidwal nga nalambigit sa graft ug corruption aron masiguro nga tumanon ang due process alang sa tanang akusado