Nagpabilin ang kabalaka sa mga Pilipinong mamumuo sa Indonesia tungod sa kasamtangang kagubot nga nahitabo sa nasud.
Sa kasayuran nga nakuha sa Philippine Overseas Labor Office daghang mga OFW ang nabalaka sa ilang seguridad, hinungdan nga gidasig sila nga mudangop sa embahada o sa opisina sa POLO aron makapangayo og tabang.
Matud ni Atty. Proculo Sarmen, andam ang mga nasangpit nga ahensya nga motabang ug motubag sa mga panginahanglan sa mga Pilipino ilabi na kung aduna nay hulga sa ilang kahimtang.
Gipasabot sab ni Sarmen nga padayon ang pagbantay sa embahada sa kahimtang sa mga Pilipino sa Indonesia ug giandam na ang mga lakang aron masiguro ang ilang kaluwasan.
Samtang nagapadayon ang tensyon sa maong nasud, gilauman nga magpabilin ang kooperasyon sa mga OFW ug magpahibalo dayon sa embahada kung adunay emerhensiya.