Kadaot sa pinakadakong LNG plant sa Qatar, posibleng muabot sa $20-B matag tuig

Gibana-banaang mukabat sa $20 bilyon ang tinuig nga kita nga mawala tungod sa kadaot sa pinakadakong liquefied natural gas (LNG) facility sa Qatar.

Kini misunod sa mga pag-atake sa Iran sa Ras Laffan Industrial City nga hinungdan sa dakong kadaot sa mga pasilidad sa LNG.

Tungod niini, mikunhod ang kapasidad sa pag-export sa LNG sa nasud og 17% ug gilauman nga magkinahanglan og 3 hangtod 5 ka tuig aron hingpit nga maulian.

Ang pag-atake nakaapekto sa duha sa 14 ka LNG train ug usa ka gas-to-liquids facility, nga misangpot sa pagkunhod sa produksiyon og 12.8 milyon ka tonelada matag tuig. Ang insidente usab misangpot sa pagsaka  sa presyo sa enerhiya sa kalibutan tungod sa pagkabalda sa suplay gikan sa Qatar.