Gisiguro ni Bicol Saro Party-list Representative Terry Ridon nga mahimong patas ang House Committee on Justice sa pagdumala sa impeachment proceedings batok kang Vice President Sara Duterte.
Matud ni Ridon, hatagan usab og higayon ang Bise Presidente nga tubagon ang mga akusasyon batok kaniya kung makita nga sufficient in form ug sufficient in substance ang mga reklamo.
Magdepende na sa Bise Presidente kung motambong siya sa proceedings.
Sa Lunes, Marso 2, pormal nga sugdan ang tulo ka adlaw nga preliminary deliberation sa upat ka impeachment complaints batok kang VP Sara, diin susihon kung sufficient in form ug sufficient in substance ang mga gi-file nga reklamo.
Gipanghimakak ni Rep. Ridon nga ipatuman sa Justice Committee ang tanang relevant rules sa impeachment sama sa gibuhat sa milabay’ng impeachment proceedings batok kang Pangulo Ferdinand Marcos Jr.
Sa pagtino kung sufficient in substance ang mga reklamong impeachment, giingon ni Rep. Ridon nga ilang susihon ang tanang alegasyon batok sa Bise Presidente, lakip ang betrayal of public trust, culpable violation of the Constitution, graft and corruption, isyu sa confidential funds, death threats batok kang Pangulo Ferdinand Marcos Jr., First Lady Liza Araneta-Marcos ug kanhing House Speaker Martin Romualdez, State of Assets, Liabilities and Net worth (SALN), ug ang bag-ong basihan sa impeachment, ang sworn affidavit ni Ramil Madriaga, nga nagpailang bagman sa Bise Presidente.