Journalist nga si Bernadette Sembrano-Aguinaldo, nabiktima sa kawatan sa Switzerland

Gipaambit sa journalist nga si Bernadette Sembrano-Aguinaldo nga sila nabiktima og kawatan samtang nagbakasyon sa Switzerland.

Sa post ni Bernadette sa iyang social media account, gisaysay niini ang nahitabo diin nawala ang backpack sa iyang bana.

Misakay sila og first class nga tren ug ilang gihunahuna nga ang usa ka lalaki nga pasahero usab ang nagkuha sa bag sa iyang bana.

Namatikdan na lang nila nga nawagtang ang bag pagkanaog nila sa tren.

Tungod niini, iyang gi-awhag ang uban pang turista nga magbantay ug mag-amping kanunay og bisan pa sa ingon nga nasod, diin aduna gihapon mga kawatan nga nagapangita og mabiktima.