Miangkon ang international singer-songwriter nga si Josh Groban sa iyang pagdayeg sa Filipino artist nga si Julie Anne San Jose, nga iyang gihulagway isip usa ka “incredible singer.”
Sa usa ka pamahayag, gihisgutan ni Groban si Julie Anne isip usa sa mga Filipino talents nga gusto niyang makatrabaho sa umaabot.
Gidayeg usab ni Groban ang kusog nga musical scene sa Pilipinas, diin nga ang mga Filipino artists adunay talagsaon nga talento labi na sa pagkanta.
Nailhan si Groban sa iyang mga collaboration uban sa mga top Filipino performers sama nila Christian Bautista ug Lea Salonga, mao nga naghatag kini og kalipay ug excitement sa mga fans ni Julie Anne tungod sa iyang mga pahayag.
Nakatakda mobalik si Josh Groban sa Pilipinas alang sa iyang GEMS World Tour karong Pebrero 18.
Tungod niini, nagsugod na sa mga espekulasyon ang mga fans kung matuman ba ang gipangandoy nga collaboration nila Groban ug Julie Anne atol sa iyang concert sa Manila.