Sugyot karon nga si Malaybalay City Mayor Jay Warren Pabillaran nga iterminate nalang sa Malaybalay City Water District ang joint venture agreement niini tali na sa Prime Water gumikan sa dili maayong serbisyo niini sa mga konsumante.
Sa exclusibong pakighinabi sa Bombo Radyo Malaybalay kang Malaybalay City Mayor Jay Warren Pabillaran giasoy niini nga gikan tuig 2020 pa lamang hangtod niining tuiga, nagpabiling wala gisolusyunan sa hingtungdan ahensiya ang mulo sa mga konsumante. Sa saad matud pa sa joint venture sa duha ka kompanya, mugahin matud pa ang mga nahisgutan og halos tag 100 milyon pesos na nga pondo matag tuig aron palambuon ang serbisyo, apan wala kini natuman ug taman lang matud pa sa plano.
Gumikan sa nagpadayong problema, giawhag sa mayor ang mga Board of Directors nga pangitaan og solusyon sa labing dali nga panahon. Apan, sa higayong di kini matuman, mamahimong ipa-iterminate ang Prime Water ug hulipan og laing water service provider. Mipahayag usab ang Mayor nga wala na kini manghilabot sa kontrata kaniadto, apan sa kakuwangon sa serbisyo karon, kini na mismo matud pa ang nangita og paagi. Paningkamotan sab matud pa niini nga ipatawag ang tanang Board of Directors sa Prime Water alang sa usa ka miting human sa eleksiyon, lakip na ang mga miapruba sa maong kasabutan. Ang pamahayag ni Malaybalay City Mayor Jay Warren Pabillaran