Joint Operation sa Malaybalay Police ug LTO, Pipila ka mga Motorista Gisita

Nagpahigayon og joint operation ang Malaybalay City Police Station (MCPS), LTO, ug TMC didto sa Capitol Grounds, Malaybalay City. Ang operasyon gitumong batok sa mga motorsiklo nga naggamit og modified mufflers (bora-bora) nga nakalapas sa balaod sa kasaba.

Gawas sa mga saba nga tambutso, gi-isyuhan usab og citation tickets ug gi-impound ang mga sakyanan sa mga motoristang nasakpan nga walay lisensya, walay helmet o naggamit og nutshell helmet, ug walay OR/CR o side mirrors. Tumong sa maong lakang ang pagpatuman sa road safety ug mga sumbanan sa balaod trapiko sa dakbayan.