Nagpasaka og counter-affidavit sa Department of Justice si Senador Jinggoy Estrada may kalabotan sa kasong giatubang niini.
Personal nga miadto ang senador sa opisina sa kagawaran aron pormal nga manumpa sa iyang gisumiteng counter-affidavit.
Subay sa pagpasaka sa iyang counter-affidavit may kalabotan sa kasong plunder nga giatubang niini nga konektado sa giingong anomalya sa flood control projects.
Gikumpirma usab kini sa iyang abogado nga si Atty. Bianca Soriano nga napasa na ang kontra-salaysay sa senador kalabot sa mga reklamo batok kaniya.
Gawas sa plunder, gipasakaan usab si Estrada sa National Bureau of Investigation og direct ug indirect bribery.
Sumala sa kampo sa senador, naglangkob sa ilang gisumiteng counter-affidavit ang pagkuwestyon sa reklamo sa NBI, diin ilang giingon nga wala nasunod ang husto nga requirements sa pag-file sa complaint affidavit.
Matud usab niini, nga sulat lamang ug adunay kalakip nga affidavit ang gi-sumite sa NBI ngadto sa DOJ.
Dugang pa, nga gikuwestiyon usab sa kampo ni Estrada ang kabug-aton ug kredibilidad sa mga ebidensya, lakip ang giingong ‘inconsistent’ ang pipila ka mga pahayag nga gigamit sa kaso.