Mibutyag ang aktres nga si Jessy Mendiola kabahin sa dugay na nga isyu nga siya ang nahimong third party sa kanhing relasyon ni Luis Manzano.
Sa usa ka interiew ni Jessy, diin gipangutana kini unsay pinakamasakit nga fake news nga iyang nasinati, mitubag kini nga nahimo syang third party.
Giangkon sa aktres ang kasakit sa mga akusasyon nga dugay niini nga gihimakak apan wala gituohan sa publiko, ug gipasalig nalang sa Ginoo ang sitwasyon.
Malaumon si Jessy bisan pa sa mga pagsulay nga nasinati ug napabilin nga makaangkon og kalinaw og kalipay.
Sa kasamtangan, malipayun si Jessy nga adunay pamilya kauban sa iyang bana nga si Luis Manzano ug anak niini nga si Rosie.
Giisip kani ni Jessy nga ganti sa iyang pag-antos ug pagpabilin niining adunay hugot nga pagtuo sa Ginoo bisan pa sa mga gi-atubang nga mga pagsulay.