Janella Salvador, dili third party sa naasoyng relasyon ni  Klea ug Katrice

Subling gilimod sa aktres nga si Janella Salvador ang mga ispekulasyon nga siya ang third party sa panagbuwag nila ni Klea Pineda ug sa long-time partner niini nga si Katrice Kierulf.

Gipasabot sa aktres nga walay kamatuoran ang mga pasangil ug dili siya ang hinungdan sa ilang pagkabulag.

Matud pa niini, dili kini ang angay nga plataporma aron hisgutan ang sensitibong isyu, apan “what you see is what it is.”

Gibutyag usab ni Janella nga malipayon siya sa iyang kahimtang karon.

Sa laing bahin, una na usab nga mipahayag si Klea Pineda nga walay kalabutan si Janella sa ilang panagbuwag ni Katrice ug hingpit ang baruganan sa aktres kalabot sa isyu.