Mikaylap karon ang hungihong kabahin sa gikaingong relasyon nila sa aktor ug model nga si Jake Cuenca ug beauty queen, actress, ug model Rabiya Mateo, human kini nakit-an nga nag-uban sa pipila ka mga higayon dili pa lamang dugay.
Nagsugod ang espekulasyon sa dihang nakit-an ang duha nga nagkauban nga nangaon sa Bonifacio Global City, ug misamot kainit ang isyu sa dihang nitambong ang duha sa usa ka private birthday party diin nigawas ang mga hulagway online.
Namatikdan usab sa mga netizen ang pagbinayloay og mga komento sa social media, lakip na ang paggamit sa mga emojis, nga labing nagpainit sa espekulasyon.
Matud sa mga taho, single ang duha human sa kanhing mga relasyon, ug sa usa ka interbyu giangkon ni Jake nga nangulitawo kini pag-usab, bisan og wala niini gitumbok kung kinsa.
Bisan pa sa sunod-sunod nga pagtan-aw ug interaksyon, wala gihapon opisyal nga kompirmasyon gikan kang Jake ug Rabiya, hinungdan nga nagpadayon pa ang mga espekulasyon.