Usa ka talagsaong klase sa strawberry karon ang ginadumog sa China tungod sa talagsaong kolor ug kamahal nga presyo niini.
Gitawag kini og “Black Pearl Strawberries” o “Hermes strawberry”, nga adunay kolor nga dark purple diin hapit na mahimong itom tungod sa taas nga anthocyanin content, usa ka natural nga pigment ug antioxidant.
Tungod sa social media, misikat kini bisan pa og moabot sa 320 Yuan kada libra o anaa sa mga 2,700 pesos, samtang ang usa ka piraso moabot og 50 Yuan o kapin 420 pesos.
Sumala sa mga mag-uuma sa Hangzhou ug Qingdao, mas tam-is kini tandi ordinaryong strawberry apan mahal tungod kay lisod kini patuboon ug talagsaon lamang makita.
Bisan pa sa taas nga demand, nagduha-duha matud pa gihapon ang pipila ka growers nga mosulod sa maong negosyo tungod sa kalisod sa cultivation ug maintenance sa maong klase sa strawberry.