Israel, naigo ang mga Iranian nuclear facilities

Gikumpirma sa mga otoridad nga naigo sa gihimong pagpangataki sa Israel ang pipila ka mga nuclear facilities sa nasod sa Iran.

Sumala sa taho, ang maong lakang sa Israel maoy tubag sa nagpadayong tensyon tali sa duha ka nasod. Giduso sa Israel ang maong operasyon aron pakunhuran ang kapasidad sa Iran sa paghimo og mga delikadong hinagiban.

Sa pikas bahin, gipasalig sa International Atomic Energy Agency (IAEA) nga padayon nilang gina-monitor ang sitwasyon aron masiguro nga walay mahitabong pagtulo sa radiation nga makadaot sa mga sibilyan.

Wala pa’y gipagawas nga opisyal nga pamahayag ang Iran kon unsa kadako ang danyos sa maong pag-atake, samtang nagpabiling mabinantayon ang tibuok kalibutan sa posibleng bawos sa Tehran.