Gipagawas na sa United Nations Commission of Inquiry ang ilang report nga nagsulti nga ang Israel posible nakabuhat og grabe nga krimen batok sa mga Palestino sa Gaza, nga gitawag og genocide o tinguha nga wagtangon ang usa ka grupo sa mga tawo.
Sumala sa report, upat sa lima ka klase sa pagpamatay sa grupo ang gibuhat sa Israel. Lakip na ang pagpamatay, pagpanghilabot sa lawas ug hunahuna sa mga tawo, pagpalisod sa ilang panginabuhi, ug pagpugong sa pagpanganganak sa mga Palestino.
Apan gikondena sa Israel ang maong report, ug ilang giingon nga binuang kini ug himo himo lang sa mga suporter sa Hamas. Wala usab sila mitabang sa imbestigasyon ug ilang giingon nga ilang katungod ang pagpanalipod sa ilang nasud human sa atake sa Hamas niadtong Oktubre 2023.
Sa pagkakaron, kapin 64,000 na ka tawo ang napatay sa Gaza, base sa datos sa Gaza Health Ministry. Grabe na usab ang kagutom ug kalisod sa maong lugar.
Bisan og dili pa opisyal nga giila sa UN ang pulong nga “genocide,” kusog na ang panawagan sa kalibutan nga buhaton ang hustisya ug pahimangnoan ang mga krimen sa gubat nga nahitabo.