Israel igo lang gustong manalipod sa kinabuhi sa kadaghanan, mao nga giatake ang Iran

Gibutyag ni Israeli Prime Minister Benjamin Netanyahu ang hinungdan sa ilang gipahigayong pag-atake batok sa nasod sa Iran.

Matud pa ni Netanyahu, giunhan nila ang Iran aron maundang na ang paghimo niini og mga nuclear weapons. Gipasabot sa Prime Minister nga ang maong lakang gihimo sa Israel aron maprotektahan ang kinabuhi sa daghang mga tawo gikan sa posibleng hulga sa Iran.

Kini nga pamahayag gipagawas taliwala sa nagkagrabe nga tensyon sa Middle East human ang hiniusa nga pag-atake sa US ug Israel sa mga estratehikong dapit sa Iran.