Mas gipakusog pa sa Israeli military ang ilang pagbomba sa Gaza kini human magpagula ug bag ong evacuation orders ang Israeli military.
Samtang nag-andam ang mga opisyal sa Israel alang sa mga hisgutanan sa White House kabahin sa posibleng ceasefire.Nasayran nga ang bag-ong mga airstrike ug mga operasyon sa Gaza nakaresulta og dakong kadaot sa mga komunidad, human sa mass evacuation orders.
Matod sa mga residente, nagpadayon ang pagbomba sa Israeli military sa mga eskwelahan, mga balay, ug uban pang lugar diin daghang mga sibilyan ang nagpuyo sa rehiyon.Gireport usab nga nakasulod na ang mga tangke sa Israel sa sidlakang bahin sa Zeitoun suburb ug adunay serye sa mga pagbomba nga nahitabo sa lugar.
Subay sa report upat ka eskwelahan ang gibomba sa Israeli military, diin pipila ka pamilya ang nag evacuate. Sa maong airstrikes niadtong gahapong adlawa, kapin sa 38 ka tawo ang namatay lakip na ang 10 sa Zeitoun ug 13 sa habagatan nga bahin sa Gaza City.
Sa laing bahin, gikumpirma sa Israeli military nga ilang gitarget ang mga giingong militanteng grupo nga anaa sa amihanan sa Gaza. Bisan pa, wala na sila mopagula og opisyal nga pahayag kabahin sa mga namatay.