Naluwas ang usa ka Hapon nga monghe human kining gitabangan sa iyang binuhi nga iro.
Giatake matud pa ang monghe og usa ka oso sa Niigata, Japan. Ang monghe nga si Tougen Yoshihara, abbot sa Youkoku Temple, misuroy sa kalasangan uban ang iyang iro nga si Chico, usa ka beagle nga kaniadto giabandona sa iyang tag-iya tungod gikasamokan sa mga silingan, apan gidala ug gialimahan kini ni Yoshihara ug gihimong kauban sa adlaw-adlaw.
Sa ilang paglibot sa kalasangan, gisugat sila sa usa ka dako nga oso.
Sa ilang pagsulay og likay, si Yoshihara natumba ug nabali pa ang iyang abaga, hinungdan nga dili kini makahimo sa pagdepensa.
Gumikan sa kahimtang ni Yoshihara, si Chico mipakita sa kaisog ug giatubang ang oso pinaagi sa kusog nga papaghot rason nga miatras ang oso ug midagan palayo.
Giabog ni Chico ug gisundan pa ang oso ngadto sa kakahoyan aron masiguro nga mupalayo kini sa pwesto ni Yoshihara.
Kini nga panghitabo usa lang sa kadaghan sa kaso sa pagpakita sa mga oso sa Niigata karong tuiga, nga mitala og kapin sa 160 ka sightings base sa mga taho.
Naghatag kini og pahimangno sa kahimtang sa wildlife sa rehiyon, ug nagpakita usab sa kaisog sa usa ka mananap nga kaniadto gibiyaan, apan karon nahimong bayani sa kinabuhi sa iyang amo.