Sa usa ka pormal nga seremonya nga gitambongan sa mga opisyal sa Wakayama Railway Electric Company, diin opisyal nga gitudlo ang calico cat nga si Yontama isip bag-ong station master sa Kishi Station sa Kinokawa City.
Nabakante ang posisyon human sa pagpanaw ni Nitama niadtong Nobyembre, nga nagsilbi sulod sa hapit usa ka dekada.
Gisul-oban si Yontama og medalya ni Wakayama Electric Railway President Mitsunobu Kojima isip simbolo sa iyang bag-ong katungdanan.
Bisan og kataw-anan kini alang sa uban, seryoso ug dako og papel ang mga “cat stationmasters” sa estasyon. Sila usa ka major tourist attraction nga nakatabang sa pagbangon sa rural railway line nga kaniadto lagmit na magsira tungod sa kakulang sa pasahero.
Sa maong okasyon, gipaila usab ang pinakabag-ong recruit nga si Rokutama, usa usab ka nga calico cat.
Sumala sa kagamhanan, dili siya apprentice kondili usa ka “stationmaster candidate” nga magpadayon sa ilang legado sa pagdani og turista ug pagpalig-on sa komunidad.