Gikataho sa Qatari Defense Ministry nga daghang mga missile sa Iran ang nakaigo sa nag-unang pasilidad sa gas sa Northern Coast.
Sumala sa maong taho, gitarget sa Iran ang mga dagkong pasilidad sa Ras Laffan Industrial City, usa ka Liquefied Natural Gas kon LNG hub sa nasud.
Gibanabana nga moabot sa lima ka mga missile ang nahulog sa maong lugar, diin ang usa miigo sa usa ka importanteng pasilidad sa lana.
Ning kasamtangan, wala pay mga taho sa gidak-on sa kadaot, apan ang ministeryo miluwat nga kini nakapurwisyo ug adunay dakong kadaot sa mga pasilidad sa gas, mga residente, ug ubang mga industriya sa maong dapit.
Nakamugna usab kini og dakong sunog sa dapit.
Gihulagway usab sa Qatari Defense ministry, nga ang pag-atake nga direktang hulga sa nasudnong seguridad sa Qatar.
Samtang ang gobyerno sa maong nasud, wala pa opisyal nga pamahayag kung kini mobalos sa pag-atake.
Hilabi na nga ang Iran naghulga na nga gub-on ang mga pasilidad sa enerhiya sa rehiyon sa Middle East, dungan sa pagsugod sa usa ka gubat sa rehiyon.