Iran ug US, nagpahigayon og pakigpulong sa Geneva aron wagtangon ang tensyon tali sa mga Nasud

Nagpahigayon og bag-ong pakigpulong ang Iran ug Estados Unidos (US) didto sa Geneva, Switzerland.

Tumong sa maong tigom nga paubsan ang nagkataas nga tensiyon tali sa duha ka nasod.

Gikumpirma sa Iran nga maayo ang nahimong resulta sa maong panagpulong uban sa mga representante sa US.

Lakip sa maong pakigpulong ang nasod sa Oman nga nagsilbing mediator. Ang papel sa Oman mao ang pagtabang sa paghangyo sa Iran nga hunongon na ang pagpausbaw sa ilang nuclear program.

Malaumon ang Oman nga hingpit nga motubag ang Iran sa mga nasabutan sa maong dayalogo.

Ang maong panag-istoryahay nahitabo human nagbahad si US President Donald Trump sa pag  lunsad og atake sa mga nuclear site sa Iran kon dili kini mokooperar.