Iran, subling nagdumili nga musanong sa ceasefire tali sa US

Gihimakak ni Iranian Foreign Minister Abbas Araghchi ang mga taho nga nangayo  ang nasud sa Iran og ceasefire o negosasyon taliwala sa mga pag-atake sa Israel ug US.

Gipadayag niini nga walay rason nga makig-istorya sa Amerika ilabi na nga nagpadayon ang mga pagpangatake niini samtang adunay mga panaghisgot.

Andam ang Iran nga panalipdan ang ilang kaugalingon sa gubat nga gipili ni US President Donald Trump, apan abli sila sa pakig-istorya sa ubang kanasuran alang sa luwas nga paglawig sa Strait of Hormuz.

Nanindigan usab ang opisyal nga wala na’y plano ang ilang nasud nga banhawon pa ang ilang nuclear program sa pagkakaron.