Nagpasidaan si Iranian Foreign Minister Abbas Araghchi nga andam ang Tehran nga “mobalos sa hingpit” batok sa Estados Unidos kung kini mousab sa pag-atake. Kini nunot sa gihimong mga protesta didto sa Iran nga nikalas na og liboan ka mga kinabuhi.
Migawas kini nga pamahayag human gikanselar sa World Economic Forum ang imbitasyon ni Araghchi tungod sa pagpamatay sa mga demonstrador. Dungan niini, milihok na paingon sa Indian Ocean ang aircraft carrier nga USS Abraham Lincoln ug mga American destroyers, nga posibleng mopaingon sa Middle East.
Sa pagkakaron, niabot na sa 4,519 ang nakalas ug sobra sa 26,300 ang gipangdakop sukad nagsugod ang protesta—ang kinadak-ang ihap sa Iran sulod sa pipila ka dekada. Giangkon ni Supreme Leader Ayatollah Ali Khamenei nga “pila ka libo” ang napatay ug iyang gibasol ang U.S. niini.
Gimandoan usab ni Araghchi nga ang posibleng all-out confrontation “mokatap sa tibuok rehiyon” ug mas molungtad og dugay kaysa sa gilauman sa Israel ug Washington.