Iran, mingsaad nga mobalos human sa kamatayon sa ilang top security chief

Nanaad ang Iran Army Chief og usa ka “decisive retaliation” o grabeng balos batok sa Israel human kumpirmadong napatay ang ilang top security chief nga si Ali Larijani sa usa ka strike nga gihimo sa Israel.

Si Larijani ang giila nga pinakataas nga opisyal sa Iran nga namatay sunod sa nahitabo kang Supreme Leader Ali Khamenei. Dako ang iyang papel sa paghimo og mga estratehikong desisyon sa nasud.

Sa usa ka pamahayag, nagbahad si Iranian Army Chief Amir Hatami nga mobalos sila sa saktong oras ug dapit batok sa Amerika ug sa giingon nilang “bloodthirsty” nga rehimen sa Israel.