Hugot nga mibarog si Iranian President Masoud Pezeshkian batok sa hagit sa Estados Unidos. Samtang ang Tehran ug uban pang mga siyudad sa Iran ginatandog sa kusog nga mga pagpamuto gikan sa opensiba sa U.S. ug Israel, gideklara sa presidente nga ang panawagan alang sa ilag “unconditional surrender” usa lamang ka damgo nga “dad-on sa lubnganan.”
Bisan pa sa kamatayon sa ilang labaw nga lider nga si Ayatollah Ali Khamenei tungod sa mga miaging airstrikes, wala miatras ang Iran ug padayon nga nagbalos pinaagi sa mga drone ug missile strikes.
Kini nga panag-indig nidaot na usab sa kalinaw sa kasikbit nga mga dapit sama sa Dubai, diin ang mga tawo napugos na sa pagtago sa mga tunnel sa tren tungod sa kahadlok. Sa pikas bahin, si U.S. President Donald Trump miklaro nga walay bisan unsang negosasyon nga mahitabo gawas kon mosurender ang Iran.
Samtang nagpadayon ang binayloay og bala sa ikaduhang semana, gihulagway na sa United Nations ang sitwasyon nga usa ka dako nga “humanitarian emergency” tungod sa kakulba ug kadaot nga dala sa maong gubat.