Mipasidaan ang Islamic Revolutionary Guard Corp kon IRGC sa Iran nga mobalos kini sa mga miatake sa mga energy facilities niini.
Sumala pa, nga wala’y nakuha ang US ug Israel gikan sa pag-atake tungod ang tanan nga mga kaswalti mga sibilyan.
Gitawag niini ang maong lakang sa US ug Israel nga usa ka talawan nga buhat.
Apan wala matarog ang Israel niini ug miluwat nga ang mao nga pag-atake sa Iran mahimo pang malungtaron.
Base usab sa taho sa Red Crescent Society, nga adunay 65 ka eskwelahan ug 32 ka medical facilities sa Iran ang naigo.
Usa lamang kini sa 10,000 ka civillian sites nga apektado sa wala’y hunong nga pag-atake sa US ug Israeli.
Gipanghimakak usab sa US Central Command nga gitarget niini ang mga sibilyan sa Iran.
Samtang gikumpirma sa Iran nga labing menos 104 ka mga tao ang namatay sa pag-atake sa submarino sa US sa barkong panggubat niini.
Ang IRIS Dena gikatahong gipalubog sa US submarine sa Indian Ocean sa miaging semana.
Ang ubang mga naluwas gidala usab balik sa Sri Lankan Navy.