Gibitay matud pa sa Iran ang usa ka lalaking human kining napamatud-ang espiya sa Israel.
Sumala sa korte sa Iran, giila ang gibitay nga si Mohammad-Amin Madavi Shayesteh kagahapong adlawa, Hunyo 23 gumikan sa intelligence cooperation niini sa Zionist regime.
Sumala pa, konektado matud pa si Shayesteh sa Foreign Intelligence Agency sa Israel sa Mossad. Gipasangilan sab kini nga nakigtambayayong sa Iran International, usa ka Persian-language TV channel nga nakabase sa London nga kritikal sa gobyerno sa Iran.
Ang maong channel ginakonsidera sa Iran nga konektado sa Israel. Gikonsidera sab kining teroristang organisasyon sa otoridad sa Iran.
Kahinumdumang gianunisyo sa hudikatura ang pagbitay kang Ma;jid Mosayebi nga gikonsidera sab nga ahente sa Mossad.
Gani, gibutyag ni judiciary chief Gholamhossein Mohseni Ejei nga gilayong papatubagon ang mga nalambigit sa pagsuporta sa Israel lakip na ang mga maidapig sa kalaban.
Base sa human groups, ang Iran ang ginakonsiderang most prolific executioner sa tibuok nasud sa China.