Gipasidan-an sa Foreign minister sa Iran nga andam kining motubag sa bisan unsang agresibo nga operasyon sa militar sa US.
Sa usa ka pamahayag, miluwat si Abbas Araghchi, nga andam kini sa pagbalos ug pagtubag sa higayon nga sulongon kini o mupahigayon og military operations ang US..
Kahinumdoman nga una nang mipasidaan si US President Donald Trump, nga ang ‘massive armada’ sa US nga gilangkuban sa naval vessels padulong sa kadagatan sa Iran.
Matud niini, andam na kini nga mahuman gilayon ang mga misyon. Wala usab gisalikway ang paggamit sa “violence actions” kung gikinahanglan.
Apan giinsistir ni Araghchi, nga ang Iran motubag sa parehas nga pwersa sa bisan unsang agresinong lakang nga himuon sa US batok sa maong nasud.
Bisan pa niini, gipasalig sa opisyal sa Iran ang pagkaandam niini sa pagtubag sa usa ka ‘husto, patas, ug sinsero nuclear deal, nga parehong makahatag benepisyo sa US ug Iran, nga dili na mugamit og agresibong aksyon.
Ang opisyal sa Iran miinsistir usab nga andam gihapon kini sa bisan unsang panagpulong uban sa US nga dili modangop sa pinaagi sa pagpamugos, pwersa, hulga, ug uban pang matang sa agresibong lakang.