Giakusahan sa nasod sa Iran ang Estados Unidos nga duna kini planong mopahigayon og ground attack o pagsulong gamit ang mga sundalo sa yuta, bisan pa man sa mga nanggawas nga report bahin sa panagsultigay alang sa diplomasya.
Sumala sa taho, nagpabilin ang tensyon tali sa duha ka nasod human ang sunod-sunod nga pagpangatake. Bisan pa man sa mga mensahe nga gipaagi sa ubang nasod sama sa Oman ug Pakistan, ang mga opisyal sa Iran nagtuo nga ang US nangandam alang sa mas dako nga operasyong militar.
Nanawagan ang Iran sa tibuok kalibutan nga sutaon ang lihok sa Amerika, samtang hugot usab nga gipanghimakak sa Iran nga duna na silay pormal nga negosasyon nga nasugdan uban sa Washington.
Matod pa sa mga opisyal sa Iran, dili sila motugot nga malupig ang ilang soberanya ug andam silang modepensa kon duna man ugaling mahitabo nga ground invasion.