Gipahibalo sa International Energy Agency nga ang 32 ka mga nasud nga myembro niini, miuyon sa pagpagawas sa 400 milyon nga baril sa lana.
Ang nasangpit nga lakang alang sa pagsulbad sa krisis sa lana tungod sa kagubot sa Middle East.
Matud ni International Energy Agenc executive director Fatih Birol, nakahukom ang mga myembro kabahin niini aron nga dili na mas mulala pa ang pagsaka sa presyo sa mga produkto sa lana.
Kahinumdoman nga daghang nasud ang nakasinati og taas nga presyo sa lana sukad nga giatake sa US ug Israel ang Iran nga miresulta sa pagsirado sa mga dagkong shipping lane.
Giatake usab sa Iran ang mga barko nga puno sa lana nga moagi sa daghang kadagatan sa Middle East.
Ang mga nasud nga myembro sa IEA naglakip sa Canada, Chile, Mexico, US, Austria, Belgium, Czech Republic, Denmark, Estonia, Finland, France, Germany, Greece, Hungary, Ireland, Italy, Latvia, Lithuania, Luxembourg, Netherlands, Norway, Poland, Portugal, Slovak Republic, Spain, Sweden, Switzerland, Turkey, United Kingdom, Australia, Japan, Korea, New Zealand, Colombia, Israel, Brazil, Morocco, Indonesia, Singapore, Kenya, South Africa Africa, Thailand, Ukraine, Vietnam.