Gipadayag sa 4th Infantry Division, nga hapit nang matapos ang insurhensiya sa Northern Mindanao human nabilin nalang ang kapin 18 ka miyembro sa New People’s Army nga ginapangita sa militar sa kabukiran sa Pantaron Range.
Sa pakighinabi sa Bombo Radyo Malaybalay kay Major General Michele Anayron Jr. Commander sa 4th Infantry Division Philippine Army, nga ang mga rebelde nahimutang sa boundary sa Agusan del Sur ug Bukidnon diin gipalig-on sa militar ang operasyon uban sa kapin 1,000 ka sundalo ug CAFGU aron mapugngan ang ilang paglihok ug masiguro nga dili na sila makabalik sa ubang mga probinsya.
Dugang pa sa heneral nga nauna nang gideklarang insurgency-free ang Surigao del Norte ug nagpadayon ang koordinasyon sa lokal nga panggamhanan aron masiguro nga dili na makabalik ang mga rebelde sa maong mga lugar.[
Matud pa ni Anayron, kung mapildi o masikop ang nahibiling mga rebelde sa Pantaron Range sulod sa sunod mga semana, posible nang ideklarang hapit na matapos ang insurhensiya sa tibuok Northern Mindanao.