Mikunhod sa 38 porsyento ang kaso sa carnapping sa lalawigan sa Bukidnon karong tuiga.
Sa pakighinabi sa Bombo Radyo Malaybalay kang Col. Surki Sereñas, hepe sa Highway Patrol Group kon HPG–Bukidnon, nga gikan sa 18 ka kaso sa tuig 2024, adunay pagkunhod ngadto sa 13 ka kaso sa 2025 nga carnapping incidents.
Gipasabot niiini, nga daghan sa mga insidente naggikan sa pagkalimot sa tag-iya sa yawe, hinungdan nga dali ra kining nakuha sa kawatan.
Matud pa niini, usa usab sa kasagarang modus ang rent-tangay, diin arendahan ang motorsiklo o sakyanan og dili na ibalik sa tag-iya ug talagsang ibaligya.
Gipahimangnoan usab sa ang ni Col. Sereñas, ang katawhan kabahin sa mga gitawag nga “hot car” nga mao ang mga sakyanan nga posibleng gikan sa illegal nga transaksyon o krimen.
Girekomenda sa niini, nga kung mopalit og second-hand nga sakyanan o motor, kinahanglan nga masiguro ang legalidad niini pinaagi sa pag-verify sa papeles sa Land Transportation Office kon LTO, Highway Patrol Group, ug uban pang ahensya.
Subay niini, gipahibalo ni Col. Sereñas, nga adunay pipila ka HPG online services, sama sa pag-check sa vehicle records, aron dali ra mahibal-an kung adunay alarma, encumbrance, o blotter ang napalit o gipanag-iyahan nga sakyanan