Mahimong init ang mahitabong debate karong adlawa kabahin sa impeachment case batok ni Bise Presidente Sara Duterte, human mopagawas og desisyon ang Korte Suprema nga unconstitutional ang maong kaso.
Sumala ni Senador Erwin Tulfo, posibleng magbotar na ang mga senador kung ipadayon ba ang impeachment trial o dili. Bisan pa man sa desisyon sa Korte Suprema, naglaum si Tulfo nga matuman gihapon ang pagpanghusay aron maipresentar ang mga ebidensya ug mahibal an ang kamatuoran sa mga alegasyon.
Apan para ni Senador Ronald “Bato” dela Rosa, dili na kini angay pang hisgutan pa kay klaro na ang desisyon sa Korte Suprema nga imbalido ang impeachment case sukad pa sa pagsugod niini.
Matod niya, base sa 97-page nga ruling, ang desisyon sa mga mahistrado kay “immediately executory,” ug angay na kining i-dismiss.Bisan pa man, andam si Dela Rosa nga motubag sa debate ug motambong sa plenaryo, apan gilauman niyang daghan sa iyang kauban sa Senado ang motuman sa desisyon sa taas nga hukmanan.
Gikompirma sab ni Senate President Pro Tempore Jinggoy Estrada nga kadaghanan sa mga senador nga sakop sa supermajority ang misuporta sa Supreme Court ruling, nga base sa ilang mga pamahayag ug lihok, nga mibarog nga sundon ang legal nga proseso.