Gihimakak sa sikat nga social media personality nga si Sachzna Laparan ang mga pasangil nga gipalit lang niini ang iyang diploma aron makahuman sa kolehiyo.
Kini human nga duna’y pipila ka mga netizens ang nikuwestiyon sa paggradwar sa Philippine Christian University ubos sa kursong Bachelor of Science in Office Administration.
Taliwala sa mga batikos, gitubag ni Sachzna diin gipasabot niini nga dili sayon ang giagian sa wala pa nakab-ot ang maong kalamposan.
Matod pa niini, dungan niyang gihimo ang pag-atubang sa camera isip influencer ug ang hilom nga pagtungha aron lamang matuman ang iyang damgo nga makagradwar.
Gipadayag usab ni Sachzna nga napugos kini sa paghunong kaniadto sa pagtungha tungod sa kawad-on, sanglit kini ang nagsilbing breadwinner sa ilang pamilya.