MIpagawas na og Aircraft Investigation Bureau sa India sa pasiuna nga taho bahin sa pagkahagsa sa Air India kaniadtong Hunyo.
Nasuta sa imbestigasyon nga gikaingng giputol ang fuel control switches sa cockpit sa Boeing 787 Dreamliner, hinungdan nga wala nakakaga og fuel ang makina.
Nakit-an usab kini nga migawas sa black boxes lakip ang 49 ka oras nga flight dataug duha ka oras nga cockpit audio.
Dunay kakusgon nga 180 knots ang eroplano sa dihang ang duha sa mga makina niini nakasinati og “fuel cutoff”.
Madunggan sa audio recording nga gipangutana sa piloto kung nganong iya kining giputol, kansa gilimod usab sa iyang co-pilot.
Ang fuel cutoff nahimutang tali sa duha ka mga piloto diin kini adunay locking nga mekanismo aron malikayan nga aksidenteng matandog.
Ang flight captain usa ka 56-anyos nga lalaki nga adunay 15,000 ka oras sa career niini samtang ang ikaduhang piloto nga 32 anyos, adunay 3,400 ka flying hours.
Kahinumdoman nga niadtong Hunyo 12, gikan sa Sardar Vallabhbhai Patel International Airport ang eroplano ug paingon sa London dihang nahagsa kini.
Sa kinatibuk-ang 242 ka mga pasahero ug tripulante, nga naglakip sa 169 ka Indian national, 53 ka Briton, pito ka Portuguese ug usa ka Canadian, usa lang ka Briton ang naluwas.