- Advertisement -
Mikunhod og 16.45 porsyento ang kaso sa kriminalidad sa Rehiyon 10 base sa index crimes gikan Oktubre 2025 hangtod Enero 2026.
Sa eksklusibong pakighinabi sa Bombo Radyo Malaybalay kang PMaj. Joann G. Navarro, tigpamaba sa Police Regional Office 10, gipadayag niini nga ang maong pagkunhod resulta sa epektibong implementasyon sa Prepare, Prevent, and Respond strategic framework, nga naglangkob sa hugot nga police visibility, intelligence-driven operations, ug paspas nga pagtubag sa mga insidente.
Gipaniguro niini, nga padayon ug lig-on ang pagpatuman sa mga programa ug operasyon sa kapulisan, uban ang kooperasyon sa lokal nga kagamhanan ug komunidad, aron mapadayon ang kaluwasan ug kahapsay sa tibuok rehiyon.
- Advertisement -