Giklaro ni Independent Commission for Infrastructure (ICI) Executive Director Atty. Brian Hosaka nga wala pay nadawat nga impormasyon ang komisyon bahin sa giingong pagalumpagon niini karong Pebrero.
Kini sukwahi sa gipahayag ni Senador Imee Marcos, kinsa nakadawat og impormasyon gikan sa usa ka wala nganli nga source nga bungkagon na ang ICI sa sunod nga bulan.
Matud ni Atty. Hosaka, walay bisan unsang abiso gikan sa Malacañang bahin sa maong posible nga lakang.
Kahinumduman nga niadtong Disyembre, nahimong epektibo ang pagkanaog sa katungdanan ni kanhi DPWH Secretary Rogelio Singson isip commissioner sa ICI. Gisundan kini sa pagbiya ni Commissioner Rosanna Fajardo niadtong Disyembre 31.
Kasamtangan, si Chairman Andres Reyes na lang ang nahabilin nga miyembro sa komisyon uban ang special investigator nga si kanhi PNP Chief General Rodolfo Azurin.