Nakatakdang mosumite ang Independent Commission for Infrastructure (ICI) sa ilang pinal nga rekomendasyon human miluwat sa pwesto ang duha ka commissioner niini.
Matud kang ICI Chairperson Andres Reyes Jr., gitukod ang ICI nga adunay klarong mandato aron mangolekta og ebidensya aron makahimo sa maayong lakang may kalabotan sa mga anomalya sa mga proyekto.Sa pagkakaron, adunay walo (8) ka referrals ug mga kaso nga gipasaka sa ICI, nga naglangkob sa kapin 1,000 ka mga indibidwal nga gituohang nalambigit sa mga anomalya sa flood control projects.
Matod pa ni Reyes, lakip sa mga nalambigit ang pipila ka senador, mga kongresista, ug mga kanhi ug kasamtangang opisyal sa gobyerno.Nakigkoordinar usab ang ICI sa Anti-Money Laundering Council (AMLC) diin naka-freeze na og kapin ₱20.3 bilyon nga kantidad sa mga asset nga gipanag-iya sa mga nalambigit sa maong anomalya.
Mahinumduman nga mikanaog si ICI Commissioner Rossana Fajardo, epektibo sa Disyembre 31. Duha ka semana ang milabay, nagresign usab isip commissioner sa ICI si kanhi Department of Public Works and Highways Secretary Rogelio Singson.