- Advertisement -
Naangol ang usa ka inahan ug ang iyang tulo ka anak, human magsungag ang usa ka pampasaherong multicab ug mini dump truck sa Barangay Kalasungay, Dakbayan sa Malaybalay pasado alas-6 sa gabii, kagahapong adlawa.
Base sa inisyal nga imbestigasyon, gikan sa Barangay Dalwangan ug padulong sa Barangay Sumpong ang maong mini dump truck sa dihang kalit nga mi-U-turn ang multicab nga pampasahero. Wala kini makapakita og signal light, hinungdan nga nasungag kini sa nagasubay nga truck.
Gidala dayon sa mga responde ang mga biktima sa balay tambalanan, samtang padayon pa ang imbestigasyon sa kapulisan kalabot sa eksaktong hinungdan ug posibleng paglapas sa trapiko.
- Advertisement -