Padayon karong giberipika ang mga taho nga namatay sa usa na usab ka airstrike ang bag-ong deklaradong interim Supreme Leader sa Iran nga si Ayatollah Alireza Arafi, pipila lang ka minuto human sa iyang pormal nga pagkatudlo sa pwesto.
Sumala sa taho sa state media, si Arafi gikatakda unta nga makig-uban ni Presidente Masoud Pezeshkian ug Chief Justice Gholamhossein Mohseni Ejei aron temporaryong gunitan ang mga katungdanan sa Supreme Leader samtang wala pa’y napili nga permanenteng puli ang Assembly of Experts.
Kini nahitabo dungan sa 40 ka adlaw nga pagluluksa sa Iran tungod sa pagkamatay sa kanhi Supreme Leader nga si Ayatollah Ali Khamenei sa miaging serye sa mga pag-atake sa US ug Israel.
Sa pagkakaron, gipaabot pa ang opisyal nga pahayag gikan sa gobyerno sa Iran ug state media bahin sa tinuod nga kahimtang ni Ayatollah Arafi human sa giingong airstrike.