Gibati og kalibog sa publiko ang dagan sa impeachment complaint batok sa usa ka halangdong opisyal human kining madawat pero wala ipasa sa hustong komitiba, apan gibarugan nga kini legal nga lakang.
Sa pakighinabi sa Bombo Radyo Malaybalay, gipasabot sa legal nga eksperto nga si Atty. Race del Rosario, RN nga tulo ka impeachment complaints ang gisang-at batok ni Vice President Sara Duterte, ug kani gisalikaway lamang sa kongreso, imbis nga ipasa sa Committee on Justice.
Matod pa sa eksperto, wala naglapas sa balaod ang Kongreso sa ilang gibuhat tungod kay gitugotan kini sa parliamentary rules. Gi-salikway lamang ang maong reklamo sa plenaryo, apan legal ang proseso nga gisunod niini.
Dugang pa niini, ang isyu karon sa Korte Suprema mao ang prerogative o gahum niini sa pagdesisyon sa mga isyu nga naglangkob sa mga naglingkod nga opisyal.