Gipasaka ang impeachment complaint batok kang Bise Presidente Sara Duterte gisang-at ning adlawa, Pebrero 2, 2026, sa buntag, sa Office of the Secretary General sa House of Representatives.
Ang reklamo gisang-at sa Makabayan bloc kalabot sa gikaingong iregularidad sa paggamit sa confidential funds sa buhatan sa bise-Presidente.
Matud ni Renato Reyes Jr. sa Makabayan, tumong sa maong lakang nga patubagon ang mga opisyal nga makalapas sa pagsalig sa publiko.
Dugay nang kontrobersyal ang isyu sa confidential funds sukad kaniadtong 2023, dihang gibutyag nga P125 milyones ang gibalhin gikan sa Office of the President ngadto sa OVP.
Kaniadtong 2025, usa ka impeachment complaint batok kang bise-Presidente Duterte ang gibasura tungod sa constitutional bar nga nagdili sa labaw sa usa ka impeachment proceeding sulod sa usa ka tuig.
Karon, human natapos ang maong one year bar, subling gipasaka ang reklamo ug gipaabot nga mahimong sentro sa grabeng diskusyon sa Kongreso.
Sa kinatibuk-an, ang isyu sa confidential funds nagpabiling hagit sa administrasyon, subay pa sa saad sa Makabayan bloc nga makigbisog alang sa transparency ug accountability sa gobyerno.