Posibleng mabasura ang mga impeachment complaint nga gipasaka batok kang Bise Presidente Sara Duterte tungod sa teknikalidad sa balaod, tungod sa “one-year bar rule”.
Sa eksclusibong pakighinabi Bombo Radyo kay Atty. Proculo Sarmen atol sa Programang Zona Libre, gipasabot niini nga ubos sa lagda sa Korte Suprema, kinahanglan nga sa February 6 pa gipasaka ang reklamo aron dili makalapas sa maong lagda, apan sayo kining napasaka niadtong February 2.
Matud pa niini, kung mapamatud-an nga dunay kalapasan sa one-year bar rule, dako ang tsansa nga ma-dismiss ang reklamo, susama sa mga nangaging impeachment cases. Gidugang pa sa abogado nga ang impeachment usa ka proseso nga sagol legal ug political.
Dugang pa niini nga ang padayon nga kagubot sa pulitika tungod sa impeachment makadaot sa ekonomiya sa nasud ug makapahadlok sa mga investors.